炎熱／凍冰冰二選一：前列腺小子會揀凍冰冰！

【炎熱／凍冰冰二選一：前列腺小子會揀凍冰冰！】

近排天氣熱辣辣，你鍾意夏日炎炎，定係寧願去西伯利亞，凍到零下四十幾度都唔要酷熱天氣呢？講到極端天氣，比著係畀腫瘤攻擊緊嘅前列腺小子，佢可能會選擇冰冷嘅地方！點解？因為要如果前列腺癌屬於局部性，或者只係早、中期階段，醫生都有機會考慮使用冷凍治療（Cryotherapy），用低溫趕走癌細胞！

如果腫瘤在磁力共振及活檢清楚定位，而位置又合適的情況下，就可以決定進行冷凍治療。喺超聲波引導下，醫生會將冷凍探針穿過皮膚，進入前列腺，喺呢個時候，冷凍探針就會開始行動，釋放出氬氣，令探針嘅溫度降至零下40度，冷凍情況維持大約10分鐘後，再進行解凍，最後會再重覆一次以上步驟，徹底清除癌細胞。

相比起切除前列腺手術，冷凍治療就算要全身麻醉，麻醉時間都相對短，令風險亦相對低，而大部份病人亦可以即日出院，有彈性好多。手術後患者需要用尿喉幫助排尿，但一般嚟講，唔駛一個禮拜就可以唔用尿喉，過番正常嘅生活。

 主題｜深入探討前列腺癌重點定向治療
 日期｜2024年8月1日
 時間｜8pm - 8:45pm
👨‍⚕‍ 主持｜泌尿科專科 吳志文醫生
👩‍⚕‍ 嘉賓｜泌尿科專科 葉智豪醫生
 立即報名｜https://www.facebook.com/share/UTcVQZsQs7t4vpbX/